La-Nina bir neçə aydan sonra başlayacaq: Təhlükə barədə XƏBƏRDARLIQ - FOTO

Tarix: 25 May 2024 20:34

Artıq bu ilin ikinci yarısında Yerdə temperaturun aşağı düşəcəyi La-Nina fenomeni baş verəcək.

El-Nio fenomeni iyun ayına qədər sona çatacaq və La- Nina bu ilin ikinci yarısında gözlənilir.

Milli.Az lent.az-a istinadən xəbər verir ki, "Reuters"in məlumatına görə, La-Ninanın iyun-avqust ayları arasında başlama ehtimalı 49 faiz, iyul-sentyabr aylarında isə bu ehtimal 69 faizə yüksəlir.

Meşə yanğınlarına, tropik siklonlara və uzun müddət davam edən quraqlığa səbəb ola biləcək hava şəraiti arasındakı dövrün bütün dünyada fermerlər üçün həyati əhəmiyyət kəsb etdiyi bildirilir.

Məsələn, Latın Amerikasında bu hadisələr buğdaya, soyaya və qarğıdalıya, həmçinin kənd təsərrüfatından çox güvənən regional iqtisadiyyatlara da zərbə vurub.

Keçən il El-Nino zamanı Asiyada isti və quru hava, aparıcı düyü tədarükçüsü olan Hindistanı mussondan sonra ixracı məhdudlaşdırmağa məcbur edib. Dünyanın 2-ci ixracatçısı olan Avstraliyada isə buğda istehsalı zərər görüb. Eyni zamanda, güclü yağış Argentinada və ABŞ-ın cənub düzənliklərində kənd təsərrüfatı istehsalı üçün proqnozları yaxşılaşdırıb.

El-Ninonu La-Nina əvəzləyəcək - nə mənası var?

El-Nino, La-Nina və neytral fazı əhatə edən tam rejimi, adətən iki ildən yeddi ilə qədər davam edir.

Ekspertlər xəbərdarlıq edirlər ki, Latın Amerikası ölkələri yüksək hazırlıqlı olmalıdırlar, çünki bu dəfə La-Ninaya sürətli keçid əhalini və məhsulu bərpa etmək üçün çox az vaxt saxlaya bilər.

La-Ninanın ABŞ-ın buğda və qarğıdalı istehsalına, həmçinin Braziliya, Argentina və Uruqvay da daxil olmaqla Latın Amerikasında soya, arpa, buğda və qarğıdalı istehsalına təsir edəcəyi gözlənilir.

Bu hava fenomeni Amerika regionunda uzun sürən quraqlıqlarla əlaqələndirilir ki, bu da məhsulun keyfiyyətinin aşağı düşməsinə və orta məhsuldarlığın azalmasına səbəb olur və qlobal ərzaq təminatı problemlərini daha da kəskinləşdirir.

El-Nino və La-Nina nədir?

El-Nino illərində qeyri-adi dərəcədə isti okean səthində güclü siklon əmələ gəlir və tropiklərdən Amerika qitəsinə isti, nəmli hava gətirir.

La-Nina illərində, əksinə, dövriyyə sistemində soyuq Arktika havası Amerika qitəsində daxil olan güclü antisiklon əmələ gətirir. Yer öz oxu ətrafında fırlandığı üçün bu hava kütlələri qərbdən şərqə doğru hərəkət edərək yol boyu dəyişərək sonda Atlantik və Avropaya çatır.

El-Nino zamanı Yer kürəsində havanın temperaturu istiləşir, La-Nina zamanı isə azalır.

Milli.Az